Ətraflı

Tərkibi: hər 100 ml-nin tərkibi:

Xlorheksidin 0.1%----------------------------------------10 mq

Kolloidal gümüş--------------------------------------------2 mq                        

Çay ağacının efir yağı ----------------------------------100 mq

Lavandanın efir yağı------------------------------------100 mq

Dərman adaçayının qlikol ekstraktı ------------------100 mq

Çobanyastığının qlikol ekstraktı ----------------------150 mq

Farmakoloji xüsusiyyətləri:
Xlorheksidin - bir çox qram-mənfi, qram-müsbət bakteriyalara, birhüceyrəlilərə, dermatofitlərə, maya göbələklərinə, həmçinin herpes virusuna qarşı aktiv olan antiseptik maddədir. Xüsusən xlorheksidinin təsirinə Trichomonas vaginalis, Gardnerella vaginalis, Escherichia coli, Treponema pallidum, Ureaplasma spp., Chlamidia spp., Staphylococcus spp., Streptococcus spp., Bacteroides fragilis, Neisseria gonorrhoeae ştamları daha həssasdır. Xlorheksidin intravaginal istifadə zamanı demək olar ki, sorulmur ancaq yerli təsir göstərir.

Kolloidal gümüş - bakteriya, göbələk və viruslara qarşı aktiv maddədir, yerli antiseptik olaraq da istifadə olunur. 650-dən çox müxtəlif xəstəliklərə səbəb olan patogenlərə qarşı effektlidir.

Kolloidal gümüş suyu bakteriya və patogen mikroorqanizmləri 6 dəqiqə ərzində məhv edir. Bu təsir bakteriya, virus və göbələklərdə oksigen metabolizm fermentinin aradan qaldırılması ilə başlayır və oksigensiz qaldıqda məhv olurlar. İltihabi prostoqlandinləri inhibə edərək iltihab əleyhinə təsir edir. Yenilənmə prosesində iştirak edərək uşaqlıq boynu eroziyasının müaliocəsində effektivdir. Antioksidant olaraq xərçəngin yaranmasının qarşısını alır və bir çox xəstəliklərin müalicəsində faydalı olduğu praktik olaraq sübut olunmuşdur.

Çay ağacının efir yağı – virus əleyhinə, antibakterial, antiseptik, göbələk əleyhinə reparativ təsirlərə malikdir. Nobevag çay ağacı yağının hesabına uşaqlıq yolunun selikli qişasında olan qızartı, şişkinlik və quruluq hissiyatını aradan qaldırır. Bu yağın ən təsirli antibakterial komponentləri terpinen-4-ol, α-pinene, linalool və α-terpineoldur. Terpineollar mikroorqanizmlərin hüceyrə membranına nüfuz edir və membran quruluşuna və işinə zədələyici təsir göstərir. Vaginal mukozanın patogen florasını məhv edir (bakterial-viral kolpit və vaginit, kandidoz); vaginal hipersekresiyanı aradan qaldırır.

Lavandanın efir yağı - əsas komponenti linalilasetat (30-56 %) və linalol (10-12 %) hesab edilir. Antioksidant və antibakterial təsir göstərir. Uşaqlıq yolunun selikli qişasının qıcıqlanmasının qarşısını alır, nəmləndirir. Lavandanın efir yağı xoşətirli antiseptik olub, dezinfeksiyaedici təsir göstərərək mikrobları məhv edir, xoşagəlməz qoxunun qarşısını alır.

Dərman adaçayı -antiseptik, virus əleyhinə, yarasağaldıcı, göbələk əleyhinə, büzücü və yerli iltihab əleyhinə təsirə malikdir. Qram pozitiv mikrofloraya qarşı aktivdir. Tərkibindəki rozmarin və salvianol turşuları sayəsində antioksidant təsir göstərir. Karnosol və karnil turşuları prostoglandin E2 inhibə edir və iltihab əleyhinə təsir edir.

Çobanyastığının qlikol ekstraktı - tərkibində efir yağları var: levomenol, bisabolol oksid A, B, xamazulen, spatulenol, flavonoidlər, flavon qlikozidləri (kversetin, herniarin, hidroksikumarinlər daxil olmaqla) iltihab əleyhinə təsir göstərir. Xamazulen və efir yağlarının antioksidant təsiri onkoloji xəstəliklərin qarşısını alır. Çobanyastığının qlikol ekstraktı antibakterial xüsusən Staphylococcus spp. qarşı, antifunqal Candida spp qarşı təsir göstərir. Toxuma regenerasiya proseslərini yaxşılaşdırır, eroziyalara müsbət təsir göstərir. Ayrıca dezodoraedici və qaşınma əleyhinə təsir göstərir.

Göstərişləri:

• Çox miqdarda ifrazat ilə müşahidə olunan vaginal infeksiyalar (göbələk, bakteriya, ibtidai)
• Uşaqlıq yolunun və boynunun eroziyası zamanı
• Antibiotik və hormonal kontraseptivlərin istifadəsi zamanı
• Aybaşıdan sonra vaginal floranı bərpa etmək məqsədilə
• Bakterial vaginoz
• Menopauza dövrü.
• Hamiləlik zamanı vaginal infeksiyaların müalicəsi və profilaktikası
• Uşaqlıq yolunun quruluğu, qıcıqlanması zamanı
• Xoşagəlməz qoxu törədən ifrazatı xaric etmək məqsədilə
• Cinsi əlaqədən sonra intim gigiyena üçün 
• Səyahət zamanı vaginal gigiyena
• Gigiyenik bezlərdən istifadə zamanı yaranan qıcıqlanma

Nobevag ilə yuyulma tükənmiş mikrofloranı ən qısa müddətdə bərpa edir. Diqqətli intim gigiyena nəinki təravət hissi verir, həm də hər şeydən əvvəl qadın cinsiyyət sisteminin bir çox xəstəliklərinin qarşısını alır. Gigiyena dedikdə, cinsiyyət orqanlarının sağlam vəziyyətdə saxlanması və onların funksiyalarının yaxşı fəaliyyəti üçün faydalı olan bütün bu təcrübələri nəzərdə tuturuq. Buna görə də, şəxsi qayğı düzgün profilaktika üçün vacib addımdır. Qadın cinsiyyət sistemi həyat boyu dəyişən və müxtəlif hormonal ritmləri izləyən bir mexanizmlə tənzimlənir: yeniyetməlik və yetkinlik dövründən, klimaksa qədər. Əhəmiyyətli olan bu təbii mexanizmin qayğısına qalmaq və müəyyən gigiyena qaydalarına riayət etməklə tarazlıqda saxlamağa çalışmaqdır.

İstifadə qaydası və dozalanma:

Gündə 1 dəfə uşaqlıq yolunu yumaq məqsədi ilə.

Əks göstərişləri:

Tərkibindəki hər hansı komponentə qarşı yüksək həssaslıq.

Buraxılış forması:

3 ədəd 100 ml flakon və 3 ədəd birdəfəlik aplikator.

İstehsalçı: Ensa -Türkiyə