Ətraflı

Tərkibi:

Hər örtüklü tabletin tərkibi:

Moksifloksasin hidroxlorid (moxifloxacin hydrochloride) - 400 mq

Farmakoloji xüsusiyyətləri:

Moksifloksasin - IV nəsil flüorxinolon qrupuna aid antibakterial preparatdır, bakterisid təsirə malikdir. Antibakterial aktivliyinin təsir mexanizmi topoizomeraza II-ni (DNT-giraza) və Topoizomeraza IV -ü inhibə etməsindən ibarətdir. Bakterial DNT-nun rekombinasiya, reparasiya, transkripsiya və replikasiyası üçün lazım olan topoizomeraza II (DNT-giraza) və topoizomeraza IV fermentlərini inhibə edir. İzomerazaların funksiyasının tormozlanması bakteriya hüceyrələrində dönməz dəyişikliklərə və onların məhv olmasına gətirir. Rezistentliyin əmələ gəlməsi tezliyi aşağıdır. Digər Flüorxinolonlara qarşı davamlı olan bəzi qram-müsbət və anaerob mikroorqanizmlər moksifloksasinə qarşı həssasdır. Geniş spektrli qrammüsbət  (Corynebacterium species, Micrococcus luteus, Staphylococcus aureus,  Staphylococcus epidermidis, Staphylococcus haemolyticus, Staphylococcus hominis, Staphylococcus warneri, Streptococcus pneumoniae, Streptococcus viridans) və qrammənfi mikroorqanizmlərə (Acinetobacter lwoffii, Haemophilus influenzae, Haemophilus parainfluenzae), anaeroblara, turşuyadavamlı  və atipik bakteriyalara münasibətdə aktivlik göstərir. Moksifloksasin M.tuberculosis-ə qarşı yüksək in vitro aktivliyə malik flüorxinolondur.

Farmakokinetikası:
Sorulması
Daxilə istifadə zamanı preparat mədə-bağırsaq traktından tez və təqribən tam sorulur, qida qəbulu sistem absorbsiyasının sürətinə və dərəcəsinə təsir göstərmir. Moksifloksasinin 400 mq birdəfəlik dozanın qəbulundan sonra qan plazmasında maksimal konsentrasiyası 0,5-4 saat ərzində qeyd edilir və 3,1 mq/1 təşkil edir. Tam biomənimsənilməsi demək olar ki, 90% təşkil edir.

Paylanması
Moksifloksasin damarlardan kənar mühitdə çox tez paylanır. Paylanmanın həcmi təxminən 1,7-2,71/kq təşkil edir. Zülallar ilə birləşməsi təxminən 30-50% təşkil edir. Plazma konsentrasiyalardan üstün olan konsentrasiyalar ağciyər toxumasında (o cümlədən alveolyar makrofaqlarda), bronxların və burun boşluqlarının selikli qişalarında, dəri iltihabi ocaqdan olan eksudatda yaranır. Bundan əlavə preparatın yüksək konsentrasiyaları qarın boşluğunun üzvlərində və peritoneal mayedə, həmçinin qadın cinsiyyət üzvlərində qeyd edilir.

Metabolizmi
Moksifloksasin orqanizmdən böyrəklərlə və MBT vasitəsilə həm dəyişilməmiş şəkildə, həm də qeyri-aktiv şəkildə xaric olunur.

Xaricolması
Preparatın yarımxaricolma dövrü təxminən 12 saat təşkil edir. Moksifloksasinin təqribən 45%-i dəyişilməmiş şəkildə xaric olunur (20% sidiklə, 25% nəcislə).

İstifadəsinə göstərişlər:

18 yaşdan yuxarı xəstələrdə moksifloksasinə həssas mikroorqanizmlər tərəfindən törədilən aşağıdakı bakterial infeksiyalar zamanı:

• Kəskin bakterial sinusit
• Xroniki bronxitin kəskin ağırlaşması
• Bronxopnevmoniya
• Ağır hallar istisna olmaqla pnevmoniya (xəstəxana xarici), plevrit, ağ ciyər abssesi
• Vərəmin kompleks müalicəsi
• Yüngül və orta dərəcədə çanaq orqanlarının iltihabi xəstəlikləri
• Ginekoloji orqanların infeksion-iltihabi xəstəlikləri (ooforit, salpinqooforit, endometrit, tuboovarial absses)
• Uroloji orqanlarının infeksion-iltihabi xəstəlikləri (prostatit, orxit, epididimit, uretrit)
• Cinsi yolla ötürülən infeksiyalar
• Dəri və yumşaq toxumanın infeksiyaları
• Optimox tablet həmçinin ağır hallarda moksifloksasinlə intravenoz müalicə zaman yaxşılaşma göstərən pasiyentlərdə müalicə kursunu tamamlamaq üçün də istifadə edilə bilər.

Əks göstərişlər:

Moksifloksasinə və ya dərman preparatının komponentlərindən hər hansı birinə və ya xinolon qrupundan olan digər maddələrə qarşı yüksək həssaslıq, hamiləlik, yaşı 18 dən aşağı olan xəstələr, QT seqmentinin uzanması qeyd edilmiş şəxslər, bradikardiya, simptomatik aritmiyası və qaraciyər pozğunluğu olan xəstələrə istifadə edilməməlidir.

İstifadə qaydası və dozası:

Tövsiyə edilən doza gündəlik bir ədəd 400 mq film örtüklü tabletdir.

Optimox tam halda kifayət qədər su ilə udulmalıdır.  Preparat qida qəbulundan asılı olmadan istifadə edilə bilər. Optimox aşağıda xəstəliklər üzrə göstərilən müddətə uyğun olaraq istifadə edilməlidir:

• Xroniki bronxitin kəskin ağırlaşması                          ----- 5-10 gün
• Pnevmoniya (xəstəxana xarici)                                   -------- 10 gün
• Kəskin bakterial sinusitlər                                          ---------- 7 gün
• Yüngül və orta dərəcəli kiçik çanaq orqanlarının  iltihabi xəstəliyi

            Ardıcıl (intravenoz müalicədən sonra) müalicə          -------- 14 gün

• Ağır dəri və yumşaq toxumaların infeksiyalarında    ------- 7-21 gün

Əlavə təsirləri: ürəkbulanma və diareya xaricində əlavə təsir reaksiyaları 3% altında müşahidə edilmişdir.

Buraxılış forması: N 5 tablet blisterdə,  2 blister içlik vərəqə ilə birlikdə karton qutuda qablaşdırılıb.

İstehsalçı: Aristopharma Ltd, Banqladeş

Rəsmi nümayəndə Carrot Pharma İnc. -Kanada