Ətraflı

Tərkibi

Hər örtüklü tabletin tərkibi: Levofloksasin (levofloksasin hemihidrata ekvivalent) – 500 mq

Farmakoloji xüsusiyyətləri

Levofloksasin flüorxinolonlar sinfinin III nəslinin nümayəndəsidir. Levofloksasinin təsir mexanizmi DNT-hiraza və topoizomeraza IV fermentlərini blokada etməsi ilə əlaqədardır. Bakterisid təsirə malik antibiotikdir.

Təsir spektri

Levofloksasinin təsir spektri genişdir.

Levofloksasin yüksək həssasdır:

Aerob qram-müsbət mikroorqanizmlərə: Corynebacterium diphtheriae, Enterococcus faecalis, Listeria monocytogenes, Staphylococcus aureus, Staphylococcus epidermidis, Streptococcus agalactiae, Streptococcus pneumoniae, Streptococcus pyogenes, Streptococcus viridans. Aerob qram-mənfi mikroorqanizmlərə: Acinetobacter spp., Acinetobacter baumannii, Actinobacillus actinomycetemcomitans, Citrobacter freundii, Eikenella corrodens, Enterobacter spp, Enterobacter cloacae, Enterobacter aerogenes, Enterobacter agglomerans, Escherichia coli, Gardnerella vaginalis, Haemophilus ducreyi, Haemophilus influenzae, Haemophilus parainfluenzae, Helicobacter pylori, Klebsiella oxytoca, Klebsiella pneumoniae, Moraxella catarrhalis, Morganella morganii, Neisseria gonorrhoeae, Neisseria meningitidis, Pasteurella canis, Pasteurella dagmatis, Pasteurella multocida, Proteus mirabilis, Proteus vulgaris, Providencia spp., Pseudomonas spp., Pseudomonas aeruginosa, Salmonella spp., Serratia spp., Burkholderia cepacia, Campylobacter jejuni, Campylobacter coli. Anaerob mikroorqanizmlərə: Bacteroides thetaiotaomicron, Bacteroides vulgatus, Bacteroides ovatus, Prevotella spp., Porphyromonas spp, Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus spp., Propionibacterium spp., Veilonella spp. Digər mikroorqanizmlərə: Bartonella spp., Chlamydia pneumoniae, Chlamydia trachomatis, Legionella pneumophila, Mycobacterium spp., Mycobacterium leprae, Mycobacterium tuberculosis, Mycoplasma hominis, Mycoplasma pneumoniae, Ricketsia spp., Ureaplasma urealyticum.

Farmakokinetikası: Per os qəbul zamanı 1-2 saat ərzində plazmada ən yüksək konsentrasiya həddinə çataraq tamamilə və sürətli absorbsiya olunur. Təxminən 30-40 % -i plazma zülalları ilə birləşir. Levofloksasin bronxların selikli qişasına, alveolyar epitelin mayesinə, alveolyar makrofaqlara, ağciyər toxumasına, dəriyə (qovuqların möhtəviyyatına), prostat vəzin toxumasına və sidiyə keçmək qabiliyyətinə malikdir. Peroral istifadə edildikdən sonra levofloksasin qan plazmasından nisbətən ləng xaric olur. Yarımxaricolma dövrü 8-10 saat təşkil edir. Xaric olunması adətən böyrəklər vasitəsilədir (yeridilən dozanın 85%-i).

İstifadəsinə göstərişlər

• Kəskin bakterial sinusit
• Aşağı tənəffüs yollarının infeksiyaları (xroniki bronxitin kəskinləşməsi, xəstəxanadan kənar pnevmoniya)
• Sidik yollarının və böyrəklərin infeksiyaları (sistit, uretrit, pielonefrit)
• Xroniki bakterial prostatit, orxit
• Kiçik çanaq orqanlarının iltihabi infeksiyaları (ooforit, salpingit, salpinqoooforit, endometrit, tuboovarial abses)
• Dəri və yumşaq toxumaların infeksiyaları (irinli ateromalar, absses, furunkulyoz)
• Anaerob mikrofloraya təsir edən dərmanlarla birlikdə qarın daxili infeksiyalar
• Vərəm (dərmana davamlı formaların kompleks müalicəsi)
• Ovel-500 həmçinin ağır hallarda levofloksasinlə intravenoz müalicə zaman yaxşılaşma göstərən pasientlərdə müalicə kursunu tamamlamaq üçün də istifadə edilə bilər.

Əks göstərişlər

Ovel-500 Levofloksasinə, digər xinolonlara və ya preparatın hər hansı komponentinə qarşı yüksək həssaslığı olan, epilepsiyası olan, xəstəlik tarixçəsində flüorxinolon qəbulu ilə əlaqəli vətər xəstəliyi olan xəstələrdə, uşaqlar və böyüməkdə olan yeniyetmələrdə, hamiləlik zamanı və süd verən qadınlarda istifadə edilməməlidir.

İstifadə qaydası və dozası

Ovel-500 Tablet gündə bir və ya iki dəfə əzilmədən və kifayət qədər su ilə udulmalıdır. Dozanı uyğunlaşdırmaq üçün ayrılma xəttindən bölünə bilər. Qəbulu qida qəbulundan asılı deyil. Ovel-500 Tablet adsorbsiyanı azalda biləcəyi üçün dəmir duzları, sink duzları, tərkibində maqnezium və ya aliminium olan antasidlər və ya didanozin (yalnız tərkibində maqnezium və ya aliminium olan) və sukralfat qəbulundan ən azı 2 saat əvvəl və ya sonra qəbul edilməlidir. Doza infeksiyanın növündən, ağırlığından və xəstəliyə səbəb olduğu düşünülən patogenin həssaslığından asılı olaraq dəyişir. Ovel-500 Tablet üçün aşağıdakı dozalar tövsiyə edilə bilər:

Kəskin bakterial sinusitlər - gündə 1 dəfə 500 mq (1 tablet)

Uzunmüddətli tənəffüs problemləri ilə birgə ağciyər infeksiyaları- gündə 1 dəfə 500 mq (1 tablet)

Pnevmoniya- gündə 1 və ya 2 dəfə 500 mq (1 tablet)

Vərəmin kompleks müalicəsində - gündə 1-2 dəfə 500 mq, müalicə kursu 3 aya qədərdir.

Sidik yollarının infeksiyaları (böyrəklər və sidik kisəsi daxil olmaqla) - gündə 1 dəfə 250 və ya 500 mq (1/2 və ya 1 tablet)

Prostat vəzi infeksiyaları - gündə 1 dəfə 500 mq (1 tablet)

Dəri, dərialtı və əzələlərin infeksiyası - gündə 1 dəfə 500 mq (1 tablet)

Tənəffüs yolu ilə yoluxan qarayara - gündə 1 dəfə 500 mq (1 tablet)

Buraxılış forması: N 10 tablet blisterdə, 3 blister içlik vərəqə ilə birlikdə karton qutuda qablaşdırılıb.

İstehsalçı: Aristopharma Ltd, Banqladeş. Rəsmi nümayəndə: Carrot Pharma İnc. -Kanada.